Juniores Regionale A: la novità è la cronaca in dialetto del Cadore!

Montorio (4-3-3) Zerbato, Cor-radi, Pedrolli, Dalla Valentina, Pezzano, Cisamolo, Viviani, Lenotti, Ceretti, Martini, Com-parotto A disposizione: Gini, Esposi-to, Indonde, Zampedri, Lava-gnoli, Vailati, Butturini .
All. Prasad Zeni

Cadore (3-2-2-3) Magagna G, Magagna M., Zendrini, Lovato Giorgianni, Nardone, Spano, Marotta, Giurgevich, Ciserani, Busola
All. Simone Zendrini
A disposizione: Binosi, Pasto-re, Zardini, DeGuglielmo, Car-rara, Facciolo, Bertolasi
Marcatori: Martini (Mo) al 30', Giurgevich (Ca) al35', Ciserani (Ca) al 63'.
Note: Ammonito Butturini (Mo) per gioco scorretto.
Angoli 12 a 3 per il Cadore Arbitro: Iemma Aniello di Verona

Verona 16 Novembre 2013
Quei del Cadore iera vegnui a Montorio convinti de trovar 'na squadra de tepisti dopo quel che l'era sucesso du mesi fa a Povelian. Al contrario i ga tro-và el Montorio come sempre agresivo ma no cativo - i'è bu-dei che i gà voja de vinsar co-me tuti, par carità. La partia l'è stà coreta sensa cativeria, solamente un amonio parchè el gà pessatà Busola del Cador ch'el voleva 'ndar in porta tuto solo. Cossa podeve-lo far Butturini , l'amonio, po-teva meterghe solo 'na gambe-ta giusto par fermarlo e par meritarse un cartelin gialo.

Giornada de sol a Montorio, el campo el parea belo, tuto ver-de, ma l'à piovuo ieri l'altro e el terren l'era molo che te spro-fondavi fin a le cauce, che sa-ria le caviglie en italian de sco-la. A proposito de italian e de veronese, saria da farghe 'na lamentela a gugle parchè ò sercà de tradur con gugle ap-punto, niente, i'è tute le lingue del mondo, ma el veronese no, chessia colpa de la curva sud che fa sempre casin?
Ma tor-nemo a la partia, son chi par questo, anca i butei del Monto-rio i'aveva un fiatin de paura parchè el Cador l'è in testa a la classifica e coi primi no te poi ciapar trope confidense, par niente. El Cador scominsia subito co la so' anda che l'è quela de far zugo e de meterlo nel sacco prima possibile. L'è meio scrivar che iè partii si con el zugo, bele asioni da destra a manca ma 'l mancava (pardo-neme el zugo de parole no l'ò fato aposta) el tiro in porta giusto fra i du pali. I'à guada-gnà tanti calci dalla bandiereta, ma i tiri iè 'ndè fora tuti alti che se te ne intivi almanco uno fra i pali, te vedi ti. L'è tuto un tirar in efeti, prima Spano, poi Ciserani co 'na mesa rovescia-da, Busola fermà de bruto, Zendrini de testa parà, poi an-ca Giurge ( el gà un cognome che no se po' tradur en dialeto) co un tireto da scarese.
El Montorio? el Montorio l'è vi-vo, quando el pol el vien vanti par sercar l'ocasion giusta co Martini ( che l'è el butel che à segnà de pi de tuti) e con Comparotto. Ma l'è el Cadore che comanda el zugo sensa combinar gnente de bon, ghe prova ancora Cise-rani de testa (alto) e ancora Lovato- Ciserani, la difesa se salva con el fiaton. Tuti i speta el gol del Cadore, ma al 30' arriva quelo del Montorio col sentravanti Martini , du metri vanti de tutti che saria off-side, che el 'riva sul balon prima de Magagna par meterlo in fondo al saco. 1-0 par el Montorio, questo l'è el zugo de la bala, vinse ci la mette dentro. A 'sto punto vien fora da la panchina el mister Zendrini del Cadore..." butei non se pol mia zugar en sta maniera...ma 'ndove semo?"
L'ha fato ben a rabiarse parchè un minuto do-po el Giurge parte co la so ve-locità, el riva dentro l' area e i lo mete zo' sensa riguar-do...rigore, ma gnanca par idea dise l'arbitro, calcio d'angolo! Col mister che se incassa e l'arbitro che non ghe vede, i butei del Cador i se scatena e subito dopo el rigor no conces-so, vien fora 'na mischia in a-rea de quele che tiro mi e ti ribati par do, tri volte, alla fin el Giurge, tira de taco par ve-dar cossa sucede. Sucede che el balon finisse in fondo al sacco del Montorio apena sin-que minuti dopo el gol de Mar-tini. 35', 1-1 e bala al sentro. Ultimi minuti de el primo tem-po sensa altre storie, 'demo al riposo a nettarse le scarpe e a sciarirse le idee. Quando le du squadre le rientra in campo se capisse subito che el Cadore l'à più birra e voja del Montorio, nei primi quindese minuti al-manco cinque tiri con Busola, Zardini, Giurge, tuti tiri fora o alti; ancora Giurge dopo 'na bela assion col Busola el tira subito, ma el portier fa un mi-racolo e co le onge cava fora la bala da la porta; l'era el 15'. El Montorio le prova tute ma no l'è presente, soratuto l'è sensa fià; par questo motivo el mister Zeni fa un po' de mi-sciotti sperando de metar in campo dei zugadori freschi.

No l'è servio a gnente, el Ca-dore continua con i so' atachi, co la convinsion che prima o dopo un pero lo trovemo. El prova Busola con Ciserani, co un bel tiro fora de poco, ma al 18' eco l'asion giusta, Busola mola 'na testada a la bala che sembra che la vada fora sul fondo, el Giurge se scatena, ciapa la bala su la linea e cros-sa subito al centro par Ciserani ch'el avea capio tuto e cioè che el Giurge avaria fermà el balon prima ch'el andasse fora e che el avaria crossà al centro. Pre-ciso el tiro del Ciserani, 2-1, partia quasi finia. El mister tira fora el Giurge par metar dentro De Guglielmo ma un minuto dopo se fa male Ciserani e el Cadore el resta sensa i do' 'ta-canti e solo Busola in attacco. Par fortuna, va tuto ben par el Cadore, el Montorio el le pro-va fino a la fin ma sensa fià no l'è posibile far goal a 'sta difesa sempre 'tenta e consantrà fino a l'ultimo minuto. Aplausi par una canonada de Giorgianni al 38', parà dal por-tier de riserva e par el forsing ( no so gnanca cossa voja dire forsing, ma me piase e fasso sempre ' na figura de la mado-na tute le olte che lo digo), for-sing del Montorio fin quando l'arbitro el fiscia tri volte, l'è finia, l'è tardi e scominsia a far fredo. L'è tempo de castagne e vin caldo. E diman pearà. L'arbitro assè atento a no sporcarse la divisa, el dribbla-va el fango come Maradona, ma a dir la verità se l'è cavà abastansa ben. Un solo amo-nio, un par de errori, el rigor non concesso, sempre vicino al zugo, promosso con 7+.

Il campionato lè arivà a un terso de el calendario, el par proprio che el Cadore la sia la squadra che la merita pi de tute de restar prima en classifica: ancò el Povegliano l'à paregià col Nogara e el Vigasio, ch'el parea deciso a batarse par el secondo posto l'è scapusà con-tro el Valpolicela. En fondo a la classifica, pare-gio da poareti fra Raldon e Somma, do squadre piene de butei giovani, el prossimo campionato de sicuro l'è farà meio. La classifica, Cadore 28, Po-vegliano 21, Amatori Nogara 20, Vigasio 19, Valpolicella e Dossobuono 18, Arbizzano e Benaco Bardolino 16, Audace 15, Bussolengo 14, Montebal-dina 13, Settimo Pescantina 12, Concordia 10, Montorio 9, Raldon 7, Sommacampagna 5. I Goleador ( saria quei che i mete nel saco più baloni de i altri) del girone iè sempre i stessi, gh'è Giurgevich del Ca-dore, Termini del Bussolengo e Pachera del Benaco con 8 e subito dopo Ciserani del Ca-dore e Beverari del Settimo Pescantina con 7.

Go finio, se vedaremo o se sentirem en setimana.
rudi tessera ODG 139252